Коприварката или копривец — мошне застапена шарена пеперутка која живее во умерените предели на Европа и низ цела Македонија.

Овој вид пеперутки често пати се среќава во градините. Гасениците се хранат со коприви, како и некои други шарени пеперутки.

Возрасната пеперутка има впечатлив изглед, со темно тело и црвеножолти крила, со ред сини точки околу задниот раб. Меѓутоа од долната страна крилата им се темно кафени, што им помага да се прикријат при мирување. Во опасност, пеперутката во мирување неднаш ги отвора крилата, прикажувајќи драматична палета на бои. Ова ги исплашува младите и неискусните птици